«Самұрық-Қазына» жастары қазақ халқының әдеби мұрасын дәріптеді

«Самұрық-Қазына» Қорында қазақ халқының әдеби мұрасын дәріптеу, классикалық қазақ әдебиетін оқуға деген қызығушылығын арттыру мақсатында әдеби-рухани кеш өтіп, оған қорға қарасты бірқатар компанияның әдебиет сүйер жастары қатысты.

Шара аясында қатысушылар Абай Құнанбайұлы, Ахмет Байтұрсынұлы және өзге де қазақ қаламгерлерінің әдеби бай мұрасымен танысып, қазақ тілі мен қазақ тарихына, салт-дәстүрлеріне қатысты зияткерлік ойындарда бақ сынады.

Bala Time би студиясыны балғын бишілері өнер көрсетсе, қор компанияларының қызметкерлері де Абай шығармаларын орындап, ұлттық және классикалық музыкалық аспаптарда ойнады. Шара барысында терме де, жыр да оқылып, ұлттық ән-биден шашу шашылды.